ردت ثوب الفرح بس مارهم وياي-- بقلمي

رِدت ثوب الفرح بس ما رهم وياي
بس ثوب الحزن ثاريه مقياسي
وعاشرت الهموم من الزغر ياصاح
بعشريني شبت..والشيب اخذ راسي
أداري الناس كلهه شلون هذا وذاك Sad

وتِرس ظهري الطعن بجفوف أعز ناسي
وأهم بأحساسهم لا ينجرح فد يوم
وآنه ولا بشر يحسب لأحساسي
وأجيبلهم الضحكه وبسمة المرتاح
وأشعار الحزن تلعب بقرطاسي
ولا فد يوم عيّرت الخدمته بروح
لا لا...والله ابد مو هذا نوماسي
مثل شمعه أضوّي واحترك بسكوت
وأتاني النار حد ما توصل لساسي
وهسّه أنته أجيت وكمّلت الاحزان
يمن ردتك فرح يختم عطش كاسي
ثاريك أنته هم منهم تبيّن حيف
قاسي..وما رحمت الروح يا قاسي
تيّهت اليحبك والدروب ابعاد
وعفت كَلبي رهين لوهم وسواسي
وآنه اللي شتلت ادروبك بكل طيب
ولجيتك تراهه انقرعت اجراسي
وحسّبتك دواي اللي يطيب الروح
والصدر اليضم احزاني ويواسي
بس وداعتك رغم الجروح أهواك
وعلى جرفك أظل..رغم العصف راسي
لأنّك آخر المشوار ما ظل حيل
سيفي أنكسر بيْه وطاح متراسي
ولو موتي اعلى بابك ما اتيّهك دوم
وأظل وياك حد ما ينختم داسي
وصدّك بالحشر وهناك أدور أعليك
حتى ارجع واكَلّك أبد ما ناسي

بس وداعتك رغم الجروح أهواك
وعلى جرفك أظل..رغم العصف راسي

وصدّك بالحشر وهناك أدور أعليك
حتى ارجع واكَلّك أبد ما ناسي

يعني حتى بالحشر ما يخلص وراه وراه هههههههههه
جميل العطاء ...يزين اللقاء
رائع ما كتبتي وبانتظار المزيد

تقبلي ودي مع ردي

أداري الناس كلهه شلون هذا وذاك
وتِرس ظهري الطعن بجفوف أعز ناسي
وأهم بأحساسهم لا ينجرح فد يوم
وآنه ولا بشر يحسب لأحساسي
وأجيبلهم الضحكه وبسمة المرتاح
وأشعار الحزن تلعب بقرطاسي
ولا فد يوم عيّرت الخدمته بروح
لا لا...والله ابد مو هذا نوماسي
مثل شمعه أضوّي واحترك بسكوت
وأتاني النار حد ما توصل لساسي

الله رائعه والله رائعه كلمات جميله تسلم اناملك

تحــــــــــياتي

هنــــــــــد18

» بس تعالوا وياي
» اريد ابجي بجرح وافزز كل الجروح-- بقلمي
» طلبتك بالفرح ماجيت مره وياي
» صعدوا وياي وشوفو الروعه
» تعالووو رحبو وياي ملاك الورد