محاوره دارميه

موضوع: محاوره دارميه الأربعاء 02 مارس 2011, 2:33 am

حوار بين ام عاشت في زمان الحب وابنتها التي عاشت في زمان المال عندما جاء رجل
يحبها لكنه لا يملك المال التي كانت تحلم به :

الام: يمه الاجه ابن اجواد
موش ابن غربة
اصل الستر والطيب واصل المحبة

البنت: اليخطبني لازم كون
انه الاريده
عنده قصر واموال وسويجه بيدة

الام: ابكبرج :- واجوا خطاب
كتلهم ارضى
جابولي خام الشام والحجل فضة

البنت: يمة زمانج راح بيه
انظلمتي
وذاك الوكت مرفوض مو مثل وكتي

الام: عشنا بوفا وبطيب كل
الليالي
لازفة لاكنتور.... لامهر غالي

البنت: اعرف بنات هواي عزن
نفسهن
اتكلف كذا دينار بدلة عرسهن

الام: اشرايج لوَن زنكين عالحسن
حبج
وملج.. وبعد شهرين واعلينا ذبج

البنت: بنتج بعدها اليوم حلوة وزغيرة

مو مشكلة من يروح يخطبني غيرة

الام: بس كلمة عندي وياج ولله شهادة

بالوفا وبالاخلاص سر السعادة

البنت: اخر كلام وياج متطورة انه
والما
يجيب المال شلي بحنانة

الام: اختاري والله اوياج يا سلوة العين
امج
واعرفج زين باجر تندمين .

----------------
محاورة شعرية بين طالب وطالبة
واستاذ:

الطالب : بالصف افكر بيج وعن درسي فاتر
واسمج كتبتة بشوك فوكَ
الدفاتر

الطالبة: من الجامعة للبيت وانت على بالي
وبكل صفحة يالمحبوب
وجهك يلالي

الاستاذ: الحب يدفع الانسان لاعلى المراتب
ويتبره منه الشوق
لو طلع راسب

الطالب: انه ادري يا استاذ للعاطفة حدود
والواجب اخليه
للدرس مشدود

الطالبة: حب الوطن يا استاذ من حبنة اكبر
نريد نتفوق دوم
وبالعلم نسهر

الاستاذ: ولدي المحبة احساس والعلم بابه
ويندم هواي هواي
اليهمل كتابه

-------------
محاورة بين عشاق:

هو: بسد شجرة
التفاح مشتولة روحي
وبالفركة حتى الطير ناح على نوحي

هي: اجيتك ومن
ابعيد سبقتني روحي
ومن لمست الجفين طابن جروحي

هو: لا كلبي نوبة ايهيد
لا عيني تغفه
لا صبر بيه يفيد لا ناري تطفه

هي: اتمنى روحي اتصير نجمة
وترابيك
وبهيدة تالي الليل انزل واشم بيك

هو: اتمنى اهل الشوك يلتم
شملهم
والطرب والاشعار اتبرع الهم

هي: اهل الهوى ايكولون كلهم
مساكين
وعدهم الف تفسير لو رفت العين

بــكــل تقدير وإحــتــرام وشــوق
نــســتــقــبــل ونــفــرش الطريق
ونــعــطــر حــبــر الــكــلــمــات بــالــمــســك والــعــنــبــر
ونــنــتــظــر الإبــداع مــع نــســمــات الــلــيــل
وســكــونــه

تقبلي مروري يالغلا
مودتى

بلا مجامله عروس كنت منوره المنتدى بحضورك الرائع
لك مني ورده يا عروس

» محاوره بين زينب ع والعباس ع
» محاوره بين زوج وزجته ادخل ومتخسر هههههههههههههه
» محاوره شعريه شخص وحبيبته والله تفوتكم لان روووووووووووووعه