تميمة سفر

تميمة سفر الأديب والإعلامي جواد المنتفجي

منين جابك زماني ..

ليش هيجت بيّ الجمر ؟

أنت يا شمعة وضواي

يا ظلمتي ..

وكل ليالي العمر

جبره لي من ربي انته

وانه اضلن دوم

خاطر منكسر

أنت :

يا فلتت دهر

ما اعوفك..

لو وصلني عشك للموت

لان حبك بكلبي كثر

وأنت ياما علمتني الطيب

وشلون احبك !

ويمته ابتشر ؟

والحزن البكلبي

زين تعرفه..

ومن أشوف عيونك

وداعتك مثل هلال الفطر

عيدي وحك عيونك

من أشوفك يوم ..

على بابي تمر

وإذا يوم ردت تبعد

وياك أخذني تميمة بالسفر

لا تعوف الروح بعدك

تره اسمي واسمك

صاروا قافيه وشعر

خليني بكليبك حبيبي دوم

ما اريدن بعد كل عذر

عاش قلمك يامبدع

تسلم شعر جميل جدا

تقبل مروري

تسلم اناملك ع هالكلمات