راح اكطع قيودك---- راح اكفر بيك

راح اكطع قيودك راح اكفر بيك واعلن ثوره ضدك واصبر بدونك
بيان اعلنت فوري واضطراري وياك على كلبي وعيوني اليوم ينسونك
فلتسقط رموشك واذا جنهه سيوف فليسقط جمالك تسقط عيونك
فليسقط عطر شعرك البه مجنون الذوبني ونهاني وصرت مجنونك
وخدودك لجنه من الخجل بركان ولونك والشمس ماينعرف لونك
يسقط سجن شوكك ولك مو مليت مامره رحمةبحال مسجونك
شفتني لوحدي وانت جمالك جيش واحتليت كلبي لما كدر دونك
راح ادخل حرب صبرك بدون سلاح واشمت بيك كل لما يكدرونك
واجبرك تنسحب متعذب ومكسور واشلع ضحكتك من لمعة سنونك
وألا راح افجر دمع عيني عليك واحركهن اسرارك واذبح ضنونك
انه انطيتك عمر شمع عذاب وليل بس كلي لخذوك شراح ينطونك
فجأه تغيرت لا عذر لا تبرير ثواني بلا سبب كدروا يغيرونك
لا وكفت بعينك سالفه انه وياك وبنعمة عشكنه كفر ماعوفك
لا ذكره عزيزه لا حلم عشناه لا وكفت بعينك دمعة عيونك
ولو انه شربتك عسل ماضل بيك مااندم عليك شما يشربونك
بعد مده بركتني اللون الاحمر ذاك وأسأل شفتك لو تيهت لونك
بس كلبي شيقنعه ويسكت ويرتاح كلبي الخان بيه ومارضه يخونك
@@@@@@@@@@@@@@@@@@@@@@@@@@@@@@@

قصيدة رائعة تحمل في طياتها ألام الجراح

والغدر ....الله يكون بعونك مسي الحب

عاشت ايدك على هذا الفن والذوق

ودمت مبدعا

يسلموووو كلام جميل

هذا القسم ليس للمواضيع المنقوله بل لااقلام ادباء منتديات الغروب

تم نقل الموضوع الى القسم المناسب

تحياتي

الوردة الحمراء