دارميات غزل

طولج بحر بالريح من يهتز يموج
والصدر منبع ماي وشفافج الروج


امديرم ومريت جن دمي بشفاك
كصتك تهيج الشوك لو تحرك اهواك


وجهك صباح الخير لو شافته العين
حتى بصباخ الكاع تطلع بساتين


وجهج بشارت العيد والاحلى ملكاج
وريت العمر عمرين من يكضى وياج

خدودج حدائق شوك وعيونج بحور
والعسل فوك اشفاج وانفاسج عطور


خدك يحلو الطور احلى من الورود
وبيها فضل علناس لا يبقى لدود

بشعرج يبعد الروح خليني ماشه
شوفج لون تدرين يروي العطاشه


لف الشعر سوباط والكذله عنكود
واسلب ارواح الناس بعيونك السود