شعر تحشيشي

موضوع: شعر تحشيشي السبت 30 أكتوبر 2010, 2:32 am

يمنة واحد مات كَلنة أنمر ألة
شوف بينة أشصار شوف المهزلة
كَمت صحت بحيل أقروا الفاتحة
ولا واحد قرة منهم وأستحة
واحد بصفي يهز بالمسبحة
ثاري هاي الناس كلهة أمكبسلة

شفت كل الجادر مطفي ويلوب
كَلت تعبانين أجو من الجنوب
ثاري ياهو اليجي يدكَولة حبوب
ذولة أهل الجاي سوو بلبلة

آني ما أدري الخبر جابولي جاي
النوب جابولي جكَارة أكَلاص ماي
ورة نص ساعة أبد ماظل لي راي
دخت حسبالي أنركَعت بقنبلة

ثكَل عندي لساني ميطلع جمل
كَمت أرجف آنة حسبالي شلل
واحد بصفي رجل شايب تفل
كَتلة شنهو القصة كَال أسكت علة

أرد أسولف كَمت ما أسولف صحيح
ردت أكَومن خاف لا أوكَع وأطيح
والمعزب كَلي أنتة مو مريح
كَتلة أسكت قابل أنتة مندلة

والحقيقة آنة خفت ما كَمت أشوف
كرسي فارغ يمي حسبالي خروف
ربع ساعة وكَامت تهز الجتوف
والزلم عالكَاع كلهة مجطلة

شايب كَبالي نهض لاجن وكَع
ذب شطفتة وكَام يركَصلي هجع
كَتلة عيب أستحي كَلالي وجع
لتدخل عابت الخلقة وبلة

وأجة واحد شربوا قوري وربع
ربع ساعة وأختلف عندة الوضع
كَال أهدي أغنية حلوة للربع
وأطلب أغنية هلة ومية هلة

كلهة بس أتباوع مطفية الزلم
ويمي حجي يكَول شغلولي فلم
كَتلة عيب أستحي كَلّي أنتة أنلصم
موتتنة يبو كَذلة القاتلة

موضوع: رد: شعر تحشيشي السبت 30 أكتوبر 2010, 5:54 pm

ههههههههههههههههههههههههههههههههههههههههههههههههه

ههههههههههههههههههههههههههههه

عاشت ايد

مكلي وين لكيتهة الهاي القصيدة

تحياتي الك

موضوع: رد: شعر تحشيشي السبت 06 نوفمبر 2010, 2:26 am

شكرا زعيم نورت الموضوع وتسلم على الرد والحضور

موضوع: رد: شعر تحشيشي السبت 06 نوفمبر 2010, 4:10 am

هههههههههه شلون رهمت هاي الامور

كلها شلون اصفطت هههههه بس

حلوه والله تونس

تقبل مروري

موضوع: رد: شعر تحشيشي السبت 06 نوفمبر 2010, 2:30 pm

تسلمين يا ملكه
وجودج نور الموضوع