[center]تلهب مثل نار الشوك
تلهب من وكاحتها
وانا روحي طريه اشلون
اخاف تشيع قصتها
وكاحتها العيون وساع
وسهام ترامه هواي من عدها
وكاحتها السمار اشكال
بس مو مثل سمرتها
وكاحتها غصن ريحان
وهنياله اليشم فديوم ريحتها
وكاحتها الحجي محسود
والكلمات تتلون بشفتها
وكاحتها الصدر قمتين
واضن نصف النعيم ارتقى لقمتها
وكاحتها الوصف موصوف
كله بحسن رسمتها
غزاله وتمشي فوك الكاع
وهواي الوحوش تريد صيدتها
ولك كافي يكلبي شبيك
بعد لاتجيب سيرتها
ولك تدري العمر خلصان
تتأثر لون تسمع بضحكتها
ادير الوجه منها شلون
وكلبي يريد شوفتها
اسكت الساني والحسرات
كل الناس
سمعتها
شسويله الكلب مايتوب
وســـــــــط
الكلب
صورتها
ادونــــــــــــــــــــــــــــــــي
السبت 09 أكتوبر 2010, 3:14 am
