اريد ارجع لبغداد والنار الي بكلبي اطفيهة *** منو يستقبلني؟؟؟؟؟؟؟؟؟؟؟؟

((بسم الله الرحمن الرحيم))
الله يابغداد
الله ياعراق
الله يابغداد

اريد ارجع

اريد ارجع لبغداد والنار اللي بكلبي بشوفتها اطفيها
أريد ارجع لبغداد واشم ترابها وجفوفي احنيها
تعبنا هوايه البعاد ونار الغرب لارواحنا تجويها
اريد ارجع لبغداد واظل هناك ابجي .. وكل نخله بدموعي ازكيها
اريد ارجع لبغداد اشوف اهلي ... اصحابي .. اخواني .. واسهر لياليها
واكضي البقة من عمري هناك .. واموت هناك واندفن بيها
اريد ارجع لبغداد اشوف امي الحبيبة .. وابوس ايديها
وانام بحضنها نومة الاطفال يا محلى الدللول لمن تغنيها
اريد ارجع لبغداد .. محلتنه القديمة .. ومدرستي اللي تعلمت بيها
اريد ارجع لبغداد وكل همومي على دجلة اشكيها
اريد ارجع لبغداد واصلي ركعة بالنعمان .. والثانية بالكاظم اصليها
ولو وكفه على الجسر ولو مشية بشوارعها امشيها
اريد ارجع لبغداد وافك قيودها .. وتضل حرة اخليها
لا تصدك ابن غير بلاد اله غيرة على بغداد ويحميها
اريد ارجع لبغداد واموت هناك واندفن بيها
واندف بيها
......................

الكل يستقبلج نونو العراق بيت للجميع

عاشت ايدج الموضوع جدا روووووووووووعة
بس للاسف ما استقبلج لان اني هنانة
هههههههههههههه
عاشت ايدج خوش اختيار
تقبلي مروري ورداية

بس تعالي بعيوني اخليج

كلمات رقيقة

تقبلي مروري
محمد نوري

جوجو
حللتي اهلا ووطئتي سهلا
اسعدني تواجدكي حياتي
نورتي

ادوني
تسلم وربي ادري بيك
اهل للكرم والعز
شرفت بدخولك الجميل

ملكة
نورتي غاليتي
اسعدني تواجدكي وردكي الاكثر من رائع

بنوتة بغداد
ههههههههههههههههههههههههههه
ادري بيج هنا
لازكة بية يااااااااااااااااااااااااربي شوكت اخلص منج
هههههههههههههههه
نورتي حبيبتي

محمد نوري قادر
نورت اخي على مرورك
الجميل اسعدني تواجدك العطر
شرفتني

نونو تعالي بس وشوفي منو راح يستقبلج اني اول واحد
بس اعطيني خبر عودتج قبل يوم

تسلم وربي ادري بيكم كلكم تاج على راسي
وافتخر بيكم بين اهلي وناسي
واكيد اذا الله كتبلي يوم من الايام ارجع البغداد
شي طبيعي حتملون مو بس اشبعون مني
يومية يمكم
هههههههههههههههههههههه
نورتي ادوني