عاشق الأحزان ضيف الحلقة الخامسة على الكرسي

مساء الخير على جميع الاعضاء

ضيف هذه الحلقة سوف يكون مميز

أنه عضو غامض و يعمل دائما في صمت

أنه الأخ والصديق العزيز والمبدع

وسيم
(عاشق الأحزان)

في هذه الحلقة سوف نتعرف عليه أكثر وسوف نعرف لماذا هو يعشق الأحزان

في هذه الحلقة سوف نعرف من هو مصمم منتديات الغروب

فأهلا وسهلا بيك ضيفاً على الكرسي هذا الأسبوع

وسوف ابدأ أنا اولاً بسؤالك

1

من هو وسيم ؟؟؟؟

2

ما سبب تلقيبك بـ عاشق الأحزان؟؟؟

3

أهدي ثلاثة ورود الى ثلاثة أعضاء ؟؟

هذه البداية وراجعك بعدين

وأتمنى أن تقضي أسبوع ممتع على الكرسي

وتحياتي للجميع

The Ghost كتب:: مساء الخير على جميع الاعضاء

ضيف هذه الحلقة سوف يكون مميز

أنه عضو غامض و يعمل دائما في صمت

أنه الأخ والصديق العزيز والمبدع

وسيم
(عاشق الأحزان)

في هذه الحلقة سوف نتعرف عليه أكثر وسوف نعرف لماذا هو يعشق الأحزان

في هذه الحلقة سوف نعرف من هو مصمم منتديات الغروب

فأهلا وسهلا بيك ضيفاً على الكرسي هذا الأسبوع

وسوف ابدأ أنا اولاً بسؤالك

1

من هو وسيم ؟؟؟؟

2

ما سبب تلقيبك بـ عاشق الأحزان؟؟؟

3

أهدي ثلاثة ورود الى ثلاثة أعضاء ؟؟

هذه البداية وراجعك بعدين

وأتمنى أن تقضي أسبوع ممتع على الكرسي

وتحياتي للجميع

تحياتي

تحية معطرة للأخ العزيز

برهــم

الشبح

وجداً اشكرك على الترحيب الجميل منك

1

من هو وسيم ؟؟؟؟

شخص اشوف نفسي بسيط

مغرور بعض الاوقات

عنودي شوية

احب اساعد اي شخص

2

ما سبب تلقيبك بـ عاشق الأحزان؟؟؟

ههههههههههههههههه

والله يا صديقي

لقب اجا على بالي عجبني
شفته يعبر عني بمسائل كثيرة

3

أهدي ثلاثة ورود الى ثلاثة أعضاء ؟؟

اول وردة للزعيم الاخ العزيز والغالي

والثانية الك طبعاً لانك وردة واخ عزيز

والثالثة للكل وتمنيت كل شخص اخصة بوردة

انتظر رجوعك صديقي

طبعاً احب اخلي ملاحظة صغيرة

اي شخص يعرفني او لا بدون حواجز او رسميات

يحب يسال اي سؤال صريح

ان شاء الله يلكة مني اجوبة صريحة

ودي

هلا وغلا بصديقي عاشق الاحزان
منور الكرسي ههههههههههههههههههههه

وهذا الكرسي مني الك علمود ترتاح عليه

نبدي ونكول يالله

1. اسمك الكامل واللقب؟

2. تحصيلك الدراسي؟

3.شنو لون عيونك وشعرك؟

4.دولة اوروبية تتمنى تزورها؟

5.اكو حب بحياتك او لا واذا اكو تكدر تكول اسم حبيبتك؟

6.شنو يعنيلك كل من

الحب

الدراسة

الذكريات

المطر

الليل

منتدى الغروب

6.موقف محزن صار بيك ومتكدر تنساه؟

7.هم مرة بحياتك مريت بموقف محرج وشنو هو؟

8.كلمة تحب تكولها للأعضاء؟

وتحياتي الك
واريد الاجوبة بالتفاصيل هههههههههههههههههههههه

هلو وسيم منور الكرسي بوجودك

اني مراح اسال هوايه

نبدي

1-كم مره حبيت حب حقيقي

2-شكد عدد الاصدقاء عندك

3- تحب الورد

4-تحب الجاي

5- شنو يعنيلك كل من

الام

الاب

الاخ

الاخت

الصديق

الجار

6- ليش تخاف من اسم مسدس

7-موقف مضحك مر بيك ومكدرت تنسا

8-اريد اعرف مر بيك موقف محرج اوحزين

كافي

ارجو متكون اسئلتي موطوله عليك

تحياتي الك

تحياتي

هلا وغلا بصديقي عاشق الاحزان
منور الكرسي ههههههههههههههههههههه

هلا بيج غاليه
نورج وردة
ويوم الج وتنورين ^^

وهذا الكرسي مني الك علمود ترتاح عليه

اشكرج يا ذوق

نبدي ونكول يالله

يا الله

1. اسمك الكامل واللقب؟

وسيم عصام رفعت العزاوي

2. تحصيلك الدراسي؟

متوسطة

3.شنو لون عيونك وشعرك؟

هههههههههههههههه

لون عيوني عسلي

شعري مثل متكول هند 18 جوزي

مو اشقر ^^

هههههههههه

4.دولة اوروبية تتمنى تزورها؟

انكلترا

5.اكو حب بحياتك او لا واذا اكو تكدر تكول اسم حبيبتك؟

حالياً ماكو

سابقاً اكيد

اسف ما اكدر اذكر الاسم

6.شنو يعنيلك كل من

الحب

احلى شعور الله خلقة بينا
ومن رأيي الحياة بدون حب
صعبة وما بيها توازن

الدراسة

مستقبل

الذكريات

جرس بعالم النسيان

المطر

هدوء للبال

الليل

عالم ثاني

منتدى الغروب

بيتي الثاني

6.موقف محزن صار بيك ومتكدر تنساه؟

فراق اشخاص اثنين

الاول صديق زوجته بيدي ودفنته بيدي

والثاني الزمن كتب بينا نهاية

7.هم مرة بحياتك مريت بموقف محرج وشنو هو؟

والله ماكو شخص ما عنده بحياته مواقف محرجة

بصراحة بهل اللحظة ما اذكر شي محرج

بس اذكر مرة قبل كم سنه عندي صديقي

غلطت عليه وابو طلع واكف وراية

وكلي ها ولك

هههههههههههه

انحرجت بوقتها مع العلم هو عرف بيا اشاقة

وكمت من اريد اغلط بعد اندار وراية

هههههههههههه

8.كلمة تحب تكولها للأعضاء؟

والله كل الي اتمنى منهم يكونون دائماً مبدعين

ويتصرفون على طبيعتهم

والي يحتاج اي مساعدة بيهم

كلنا موجودين بالخدمة

وتحياتي الك
واريد الاجوبة بالتفاصيل هههههههههههههههههههههه

وتحية الج جميلة

اتمنى اجوبتي مفصلة

شكراً وردة استمتعت باسلتج الجميلة

ودي

هلوووووووو وسيم منور

يلااا عندي كم سؤال : جاهز ؟؟؟؟

من تريد تصمم شي .. باي وقت يعجبك ؟؟ لو لازم عندك جو خاص يتوفر

شنو شعورك من ده تحجي بالجات وتسلم على شخص .. وهذا الشخص ما يرد علييييييك ؟؟

شنو الامنية اللي حققتها والامنية اللي بعدها قيد الانتظار ؟؟؟؟؟؟؟

اكو احد تعرفه تحب ينضم ويانة للمنتدى ؟؟؟

شنو رنة موبايلك وشنو الخلفية الحاطها بالحاسبة ؟؟؟؟

شنو احلى هدية استلمتها ؟؟؟

وراجعتلك بعد الفاصل مو عبالك خلصت بس التهي بذولة الاسئلة شوية ههههههههههه

باااااااااااي

هلو وسيم منور الكرسي بوجودك

هلو بيج هنودة الغاليه

ونورج هذا وردة

اني مراح اسال هوايه

شعجب اني حاسب حسابج ترة

هههههههههههههه

نبدي

1-كم مره حبيت حب حقيقي

والله بالنسبة الي ماكو حب واحد

يعني مو معناها حب مرة وبس

الحب اكثر من مرة يجي ويكبر

هو شعور بينا

اني حبيت مرة ومرتين وتلاثة

بس كلهم مو مثل الحب الاول

2-شكد عدد الاصدقاء عندك

والله محاسبهم

بس الحمد لله االله منطيني اصدقاء ذهب

وولد عوائل وحبابين

3- تحب الورد

اكيد طبعاً

قبل وين جان اكو رقم

جنه ننطي وردة ابدال الرقم

هههههههههههه

4-تحب الجاي

يعني اوقات بس

5- شنو يعنيلك كل من

الام

حنان انسانة مالها مثيل

الاب

صديق وسند دائماً

الاخ

شعور تمنيت احس بي

والحمد لله ربي انطاني اصدقاء
بمثابت اخوة الي

الاخت

عطوفة دائماً تكون موجودة بوقت نحتاجها

ودائماً تسويلي اكل ههههههههههههههه

الصديق

اكثر شخص يكون متواجد بوقت محتاجة

الجار

والله الجار صراحة ما اعرف اوصفه

بس اكول الحمد لله

الله انطانه جورة ممتازة

6- ليش تخاف من اسم مسدس

هههههههههههههههههههههه

مرة جنت يم الزعيم الغالي واكف

احب اشوف الشخص يغار او لا

من اكرصة من خاصرته

كلت للزعيم راح اشوفك تغار لو لا

كلي تعال وفتح ايدة عليه

اني عبالي راح يضربني فزيت ورحت بعيد

ضحك هو وابراهيم عليه

كتله هاي بس فتحت ايدك هيجي

لو ساحب المسدس عليه شلون؟

من يومها من يشوفني مماشي عدل يصيح

جيبولي الورور ( المسدس )

واني اكوله اعصابك واضل اتوسل بي بعد

ههههههههههههههههههههه

7-موقف مضحك مر بيك ومكدرت تنسا

مضحك
اممم

مرة اندك باب بيتنه

طلعت لكيت مرة جبيرة بالعمر

وابنها وياها اكبر مني

كالو الي انتة وسيم؟

كتلهم اي اتفضلوا

كالو انته بايك طلي من عدنة !!

ههههههههههههههههههههههههههههههههههههههههههههههههههههههههه

بقيت صافن طلع غير واحد اسمة وسيم

هههههههههههههههههههههههههههههههههههههه

8-اريد اعرف مر بيك موقف محرج اوحزين

والله حزين ذكرتهم قبل ومحرج هم

بس افكر الج بواحد

اممم

ها اذكرت واحد ههههههههههههههههههه

مرة جنت صغير اني وعائلتي طالعين

ردنة نروح البيت خالتي

شوية جنت احب اني اوكف التكسي وأجرة يعني

اجا ابو تكسي رجال جبير بوقتها

كتله يابة البيت خالتي

كال دليني بيت خالتك واوديك والله

هههههههههههههههههههههههه

هو المفروض اكوله المنطقة

^^

كافي

ليش !!

ارجو متكون اسئلتي موطوله عليك

بالعكس وربي اسئلة ممتعة

انتظر تكررين اسئلتج دائماً

تحياتي الك

واحلى تحية الج

نورتي وربي

ودي

هلوووووووو وسيم منور

هلوات عيوني ريان الغالية

يلااا عندي كم سؤال : جاهز ؟؟؟؟

يلا طبعأ جاهز !

من تريد تصمم شي .. باي وقت يعجبك ؟؟ لو لازم عندك جو خاص يتوفر

ههههههههه

والله احلى الاوقات اشوفة بليل

هدوء وشوية واصفي بالي بي

هو التصميم ذوق يعني اوقات مرتاح

واصمم ميعبجني التصميم

واوقات باتعس الاجواء ويطلع احلى تصميم

ولو اني اي تصميم اسوي ما اقتنع بي

اتعجب من اشوف غيري يكول عليه حلو

هههههههه

شنو شعورك من ده تحجي بالجات وتسلم على شخص .. وهذا الشخص ما يرد علييييييك ؟؟

ههههههههههههه

يعني او هو مغلس من صدك

لو ممنتبه

وبالحالتين اضوج

هههههههههههههههههه

شنو الامنية اللي حققتها والامنية اللي بعدها قيد الانتظار ؟؟؟؟؟؟؟

اي امنية ممحقق الى هسه

والي اريد احققها

احترف مجال التصميم

واكون عائلة خاصة بيا

اكو احد تعرفه تحب ينضم ويانة للمنتدى ؟؟؟

اي اكو ههههههه

اعرف شتقصدين ام كفشة

هههههههههههههههههههههه

شنو رنة موبايلك وشنو الخلفية الحاطها بالحاسبة ؟؟؟؟

رنة موبايلي حتى لو اكولها الج متعرفيها

لان انتي تسمعين قاسم ابو قاسم مدري شسمة

نغمة موبايلي موسيقى يابانية اسمها

Utsusemi

وموجودة الموسيقى بتوقيعي

والخلفية الي بالحاسبة شخصية أنمي

شنو احلى هدية استلمتها ؟؟؟

احلى هدية !

قرأن من والدي قبل ميروح .

وراجعتلك بعد الفاصل مو عبالك خلصت بس التهي بذولة الاسئلة شوية ههههههههههه

ههههههههههههههههههههههه

انتظرج

شايل همج وهم هند 18

ههههههههههههههههههههه

باااااااااااي

بايات وردة

ودي

]اخيرا وكعت ياعاشق ويا ويلك من سواد ليلك 0 حسبالك ما تدور عليك الدايره مو؟ بسيطه بس اصبرلي وراح تشوف انشاء الله اللي يعجبك والمايعجبك بس لا تصير عصبي راح اخبث جاوبني قبل لا ابدي الاسئله واحنه حبايب انشاء الله

السلام عليكم

شلونك حبيبي وسيم

اتمنالك اسبوع رائع وية الكرسي

منور والله

رح ابدي وياك باسئلة خفيفة هسة وبعدين اجيك بالاسئلة الباقية

اوكي

نبلش

اذكر لي اعز اصدقائك؟؟

عمرك الحقيقي(مواليدك) وبرجك؟؟

شلون بديت وية التصميم؟؟

شلون بديت وية منتديات الغروب؟؟

ليش ميعجبك اي شي؟؟

هسو نجي على منتديات الغروب

شتعنيلك المنتديات؟؟

شيعنيلك اعضاء الادارة(اذكرهم واحد واحد). وبدون استثناء

شنو قصتك وية تواقيع الاعضاء؟؟

من هو؟؟

العضو المميز

العضو المشاكس

عضو عصبي

عضو حباب

عضو روحة مرحة

عضو شخصيتة قوية

شدكول للاعضاء الي يسجلون وميساهمون

هسة اكتفي وياك

وارجعلك

بس الورور بيدي

ههههههههههههههههههههه

تحياتي للغالي

ادوني كتب:: ]اخيرا وكعت ياعاشق ويا ويلك من سواد ليلك 0 حسبالك ما تدور عليك الدايره مو؟ بسيطه بس اصبرلي وراح تشوف انشاء الله اللي يعجبك والمايعجبك بس لا تصير عصبي راح اخبث جاوبني قبل لا ابدي الاسئله واحنه حبايب انشاء الله

ههههههههههههههههههههه

تحية الك غالي

اعرف متحلفلي

ومنتظر اسالة منك قوية

بالعكس على شنو اعصب

احنه حبايب اكيد

انتظر رجوعك

ودي

السلام عليكم

وعليكم السلام ورحمة الله

شلونك حبيبي وسيم

بخير بوجودك وربي

نورت الموضوع غالي

اتمنالك اسبوع رائع وية الكرسي

اشكرك هذا من ذوقك الرائع

منور والله

نورك ونور الاعضاء سيدي

رح ابدي وياك باسئلة خفيفة هسة وبعدين اجيك بالاسئلة الباقية

يلا نبدي شكو بيها ^^

اوكي

اوكي

نبلش

نبلش يلا !

اذكر لي اعز اصدقائك؟؟

اممممم

سؤال محرج من البداية صلاوات

عندي اكثر الاصدقاء عزيزين عندي

بس المقربين على قلبي

انت وابراهيم

عمرك الحقيقي(مواليدك) وبرجك؟؟

مواليد 1985

العمر 25

البرج الحوت

شلون بديت وية التصميم؟؟

جنت اشوف الناس تسوي تصاميم

حلوة بدرجة اتعجب عليها

لدرجة جنت اشوف صورة مجرد مكتوب عليها اسم

اكول الله حلو

حبيت ادخل هذا العالم من كل ابوابة

والحمد لله كدرت اطور نفسي بشي بسيط

شلون بديت وية منتديات الغروب؟؟

بديت بتصميم بنر بوقتها

وانته مقصرت وكتلي هذا منتداك

وسجلت وهسه الحمد لله جمعتنا الحلوة هي الثمرة

ليش ميعجبك اي شي؟؟

ههههههههههههههههههه

هاي كلمة ابراهيم طبعاً

مو ميعجبني بس اوقات اسوي امور

او اصممها متعجبني بحيث اسال بيها غيري

واتفاجئ من اسمع حلو كلش

وانت اكثر الناس جنت تكلي هل الشي

صح تشجيع الي بس بنفس الوقت ابقى 50 بالمية ممقتنع بي

هسو نجي على منتديات الغروب

شتعنيلك المنتديات؟؟

والله بيتي الاول والثاني

والاعضاء اهل واصدقاء واخوة الي

شيعنيلك اعضاء الادارة(اذكرهم واحد واحد). وبدون استثناء

اممممم

المدير العام الزعيم : شخص عزيز على قلبي مساند محب للخير
ويعني الي كثير امور ودائماً ابقى اشوفة مثالي الاعلى .

ابراهيم الشبح : صديق واخ وحبيبي شخص دائماً يتمنالي الخير .

هند 18 : اخت عزيزة عليه وتتمنى الي كل خير وموفقية ومرحة دائماً احب اسمع نصيحة منها .

ريان : اخت غاليه وعطوفة وحبابة وتحب الخير للكل وتتمنى اصير افضل وافضل .

جوجو رومانتك : صديقة عزيزة واشوفها حبابة وعلى نيتها .

ما اتمنى نسيت احد ؟

واذا نسيت اتمنى تذكرني بيهم ..

شنو قصتك وية تواقيع الاعضاء؟؟

صراحة مفهمت سؤالك ؟

من هو؟؟

العضو المميز

حالياً سيد العاطفي

العضو المشاكس

ادوني ههههههههههه

عضو عصبي

نور العزاوي ههههههههه

عضو حباب

نونو و بنوتة

عضو روحة مرحة

رنودة النعيمي

عضو شخصيتة قوية

نور العزاوي

طبعاً اجوبتي بالنسبة للأعضاء ما ادري قصدت بيهم المشرفين هم؟

شدكول للاعضاء الي يسجلون وميساهمون

اكول الهم نشاطكم وجهدكم بالمنتدى هو الي يرفع المنتدى للقمة

هسة اكتفي وياك

هههههههههههه

اوك انتظرك

وارجعلك

بس الورور بيدي

ههههههههههههههههههههه

صلي على نبيك بهاء ههههههههههههههههه

خلينا مدني احسن هههههههههههههه

اني هم اخوك الصغير هههههههههههه

تحياتي للغالي

والف تحية الك

نورت وربي

شكراً على اسئلتك الجميلة

ودي

هلو عاشق منور على كرسي الاعدام لالا العفو على كرسي الاعتراف وهي فرصه لاعضاء يتعرفون عليك وعلى تفكيرك

ماذ تعني لك كل من الكلمات التاليه جاوب بكلمه واحده فقط

الذكريات
الالم

الحب

الحلم
الصمت

الخيال

الليل

ا

الخيانه

جاوب على راحتك وبعدين ارجعلك

شلونك وسيم كبد
طبعا اني اتشرف بمعرفت اصدقاء واخوه انشاء الله مثلك ومثل برهم
واول شي اشكرك على التصميم الجميل لمنتديات الغروب
حبيت اسالك كم سؤال
اتمنى اتكون اخفاف عليك ومتزعجك
انشــــــاء الله
ابدي بأول سؤال
ليش متترك السكائر...؟؟
شنو اكثر اكله تحبه من ايد والتك..؟؟
شنو الاكله الي تطلبه من تدخل للمطعم انته واصدقاءك...؟؟
ليش من تدخل الاسواق يمي ويحجون وياك يكون صوتك علي..؟؟
ماهي الامور الي تثيرك وتخليك عصبي..؟؟
ليش جانوا يلقبك وسيم عجه...؟؟
ليش صارلك فتره متلتقون انته وشلتك الي بالمنطقه..؟؟
شنو تعني منطقتنه الك..؟؟
هل مره غدر بيك و استغلك صديق..؟؟
انشاء الله متكون اسله محرجه او مزعجه
تمنياتي لك بكل خير
و
مـــوفقـــيه

تـــــــحياتـــي
سيـــــــــ العاطفي ـــد

هلو عاشق منور على كرسي الاعدام لالا العفو على كرسي الاعتراف وهي فرصه
لاعضاء يتعرفون عليك وعلى تفكيرك

هلو ملوكة حياتو

ههههههههههههه

اي خوش فرصة ^^

ماذ تعني لك كل من الكلمات التاليه جاوب بكلمه واحده فقط

الذكريات

قوة

الالم

قدر

الحب

حياة

الحلم

لحظات

الصمت

ملل

الخيال

عالم

الليل

ضلام

الخيانه

نهاية

شكراً ملوكة على الاسئلة الحلوة

^^

شلونك وسيم كبد

بخير حبيبي وانت اتمناك بخير

طبعا اني اتشرف بمعرفت اصدقاء واخوه انشاء الله مثلك ومثل برهم

الي الشرف حبي والحمد لله صار النه اصدقاء سنين مو فترة قليلة

واول شي اشكرك على التصميم الجميل لمنتديات الغروب

العفوا حبيبي هذا واجبي

حبيت اسالك كم سؤال
اتمنى اتكون اخفاف عليك ومتزعجك
انشــــــاء الله

اي شكو بيها

بالعكس اخذ راحتك بالاسئلة

ابدي بأول سؤال
ليش متترك السكائر...؟؟

هههههههههههههه

السكائر حتى اكون صريح اكثر

اكولك حاولت بطرق بس متوفقت بيها

شنو اكثر اكله تحبه من ايد والتك..؟؟

برياني ^^

شنو الاكله الي تطلبه من تدخل للمطعم انته واصدقاءك...؟؟

غير اعرف شعدهم

حتى اعرف اطلب ^^

ليش من تدخل الاسواق يمي ويحجون وياك يكون صوتك علي..؟؟

الة اذا بحالة منشد بموضوع

او يمكن طبيعتي هيجي وما اعرف

ماهي الامور الي تثيرك وتخليك عصبي..؟؟

اي شخص يحجي شي كدامي

ووراية شي ثاني

والكذب والنفاق

ليش جانوا يلقبك وسيم عجه...؟؟

ههههههههههههههههههههه

هذا لقب انقرض من سنوات

بعدك تفكر بي

جنت العب طوبة اكو لاعب اسمة وسام

نسيت باي نادي عراقي

اسمة وسام ابو عجية

ثبت عليه والى هسه ما اعرف السبب

ليش صارلك فتره متلتقون انته وشلتك الي بالمنطقه..؟؟

تكدر تكول كل واحد التها

بعملة وحالياً اكثر اصداقئي

متزوجين ولهذا وضعهم اختلف

وقل التقائنة

شنو تعني منطقتنه الك..؟؟

مع احترامي للناس الي بيها طيبين

ومعروفين

رب مال نفاق

هل مره غدر بيك و استغلك صديق..؟؟

اكيد كنت بيوم مسمي اعز صديق الي

ما افوت بتفاصيل بس اكولك وصلت للقتل بوقتها

انشاء الله متكون اسله محرجه او مزعجه
تمنياتي لك بكل خير
و
مـــوفقـــيه

بالعكس حبيبي تونست بهل الاسئلة الحلوة

الله يخليك حب وانت اكثر

للجميع يارب

تـــــــحياتـــي
سيـــــــــ العاطفي ـــد

ارق تحية الك

س1 - حسب علمي ان لديك علاقات عاطفيه متعدده فما هي اطول مده قضيتها معهن؟ وهل ندمت
على قطع علاقه واحده منهن؟
س2 - شقراء كانت معك قبل ايام سمعتك تقول لها انسيني اني مرتبط بوحده غيرج فهل انت قاسي دائما معهم؟
س3 - كيف تتاكد من حسن اختيارك للصديق ؟
س4 - كيف تعرف ان الاخرين راضين عنك ؟
س5 - كيف تتوقع ان يكون مستقبلك ؟
س6 - اصعب فتره مررت بها في حياتك ؟
س7 - امامك بابان لاغيرهما وراء الباب الاول امراه سوداء مكروهه ووراء الباب الثاني فتاة
رائعة الجمال وعليك الدخول والارتباط بواحده وانت لاتعرف وراء اي باب يقفان ولازم
تختار باب وترتبط فشراح تسوي؟
س8 - ماذا تفعل لو بقيت بلا حاسبه ؟
س9 - لو كانت لاسامح الله اصابعك مقطوعه فكيف ستستخدم الحاسبه ؟
س10- ماذا تفعل لفتاة ضربتك وسط الشارع ؟

اخي العزيز اني لاهي بالامتحانات وانشاء الله لي رجعه عليك

س1 - حسب علمي ان لديك علاقات عاطفيه متعدده فما هي اطول مده قضيتها معهن؟ وهل ندمت
على قطع علاقه واحده منهن؟

اطول مدة هي سنتين تقريباً كعلاقة

واكيد ندمت على وحدة منهم بس

س2 - شقراء كانت معك قبل ايام سمعتك تقول لها انسيني اني مرتبط بوحده غيرج فهل انت قاسي دائما معهم؟

ههههههههههههههههههههههههههههههههههههههههههههههههههههههههههههههههههههه

س3 - كيف تتاكد من حسن اختيارك للصديق ؟

بعد تجربته باكثر من مسالة اعرف احلل علاقتي بي

س4 - كيف تعرف ان الاخرين راضين عنك ؟

حسب علمي هواية امور

بس هي مسألة احساس

س5 - كيف تتوقع ان يكون مستقبلك ؟

كيف اتوقع

هاية شوية صعبة

لان ابالي هواي افكار

وهواية عمل جدي

س6 - اصعب فتره مررت بها في حياتك ؟

اصعب فترة

حالياً

س7 - امامك بابان لاغيرهما وراء الباب الاول امراه سوداء مكروهه ووراء الباب الثاني فتاة
رائعة الجمال وعليك الدخول والارتباط بواحده وانت لاتعرف وراء اي باب يقفان ولازم
تختار باب وترتبط فشراح تسوي؟

ههههههههههههههههه

اتبع احساسي

وخلي تصير اربع الوان ميهم

اهم شي روحها واخلاقها

والاهم اتشوف كارتون او أنمي

ههههههههههه

س8 - ماذا تفعل لو بقيت بلا حاسبه ؟

يعني كاعد تكولي عيش بدون هواء

س9 - لو كانت لاسامح الله اصابعك مقطوعه فكيف ستستخدم الحاسبه ؟

او اترك ما اشتري حاسبة

لو اشوف الي ياباني يخترع الي كيبورد وماوس على الكلام

س10- ماذا تفعل لفتاة ضربتك وسط الشارع ؟

ما اعرف صراحة بوقتها شيصير

بس ما اعتقد اوصل نفسي لهل الامر

اخي العزيز اني لاهي بالامتحانات وانشاء الله لي رجعه عليك

والله نورت غالي

اسئلتك ضريفة مثل وحلوة

انتظر رجوعك اكيد

ودي

رجعتلك وسيم

ولو الجماعة ما قصروا

نبدي

1

من هو صاحب الفضل عليك في تعليمك التصميم ؟

2

كم سنة عندك في مجال التصميم ؟

3

ما هي البرامج التي تصمم بها؟

4

من هو مثل الاعلى في مجال التصميم؟

5

أنت لست مصمم صور فقط بل تصمم فيديو هل هذا
صحيح؟

اذا كان الجواب نعم

ارفع شي من تصميماتك في الفيديو

6

ما حتب وما تكره؟

7

أذكر
أربع أشياء لا تستغني عنها أيما تذهب؟

8

كيف تقضي وقت فراغك؟

9

ماذا صف كل عضو بكلمة واحدة

الزعيم

طيف

The Ghost

هند 18

ريان

جوجو

رنودة النعيمي

قمر الليل

نور العزاوي

Freedom

Dark angel

سيد العاطفي

أدوني

بنوتة

نونو

الملكة

ريمان

التكنلوجي

العاشق المدمر

أيوب العراقي

خفاي القلب

10

ما هي أمنيك لو عاد بك الزمان الى الماضي؟

11

أختر عشرت أعضاء ولقبهم من جديد؟

12

گلت الحب الاول لايوجد له مثيل , فلماذا تركته
يرحل ؟

13

أذا خيروك أما العمل أو النت فماذا تختار ؟

14

ما سبب عشقك للأنميات؟

15

من تتمنى أن يجلس بعدك على الكرسي ؟

بس لا طولت عليك

يلا كافي مو وسيم

هاي البداية

وارجعلك بعدين

رجعتلك وسيم

هلا بيك حبي نورت

ولو الجماعة ما قصروا

انت كلتها بعد ^^

نبدي

يلا ^^

1

من هو صاحب الفضل عليك في تعليمك التصميم ؟

صراحة ماكو احد طورت نفسي بنفسي

يمكن اكو معلومات بسيطة تعلمتها بعملي القديم

اني دخلت عالم التصميم وحبيت اشتغل على كل برامج التصميم

وحالياً اكثر البرامج عندي فكرة عليها

لهذا محترفت برنامج معين

2

كم سنة عندك في مجال التصميم ؟

من وقت طويل

كتلك اكثر البرامج حبيت اشتغل عليها

بمجال الصور او الفيديو

3

ما هي البرامج التي تصمم بها؟

برامج الصور والفلاش

فوتوشوب

كورل درو

سويتش ماكس

ادوبي فلاش

برامج الفيديو

كورل ستوديو

ادوبي بريمير

افتر ايفكتس

بينكل ستوديو

يوليد ستوديو

موفي ميكر

وحالياً اطور نفسي ابرنامج

سوني فيغاس

4

من هو مثل الاعلى في مجال التصميم؟

مثالي الاعلى !

امممممم

ما عندي حتى اكون صريح

^^

5

أنت لست مصمم صور فقط بل تصمم فيديو هل هذا
صحيح؟

اكيد حبي

اذا كان الجواب نعم

ارفع شي من تصميماتك في الفيديو

حالياً اصمم على فيديو من اكملة تدلل اول واحد تشوفه انته

6

ما حتب وما تكره؟

ما اعرف شقصدت بمجال التصميم او بشكل عام؟

7

أذكر
أربع أشياء لا تستغني عنها أيما تذهب؟

موبايلي

والهوية

والهارد بس مو كل وقت

8

كيف تقضي وقت فراغك؟

او اطور نفسي اكثر على برامج التصميم

او اشوف برنامج جديد اتعلم عليه

9

ماذا صف كل عضو بكلمة واحدة

الزعيم

جوهرة

طيف

مساعد

The Ghost

اخ

هند 18

ذهب

ريان

الماس

جوجو

بشوشة

رنودة النعيمي

مرحة

قمر الليل

مجتهدة

نور العزاوي

شخصية

Freedom

بريء

Dark angel

مساند

سيد العاطفي

وردة

أدوني

محبوب

بنوتة

صديقة 1

نونو

صديقة 2

الملكة

قلبي

ريمان

جوري

التكنلوجي

بطل

العاشق المدمر

فرحان

أيوب العراقي

صديق

خفاي القلب

صديق

10

ما هي أمنيك لو عاد بك الزمان الى الماضي؟

اكمل دراستي

ومسألة ثانية اتمنى ارجع والغيها

11

أختر عشرت أعضاء ولقبهم من جديد؟

ههههههههههههههه

مين ابدي ولك

صعبة شوية هاية

ههههههههههههههههههههه

خلي افكر وارجعلك

12

گلت الحب الاول لايوجد له مثيل , فلماذا تركته
يرحل ؟

ضروف صح الحب الاول شيء مثالي

بس مصار بيدي شي اغير القدر الي انكتب

13

أذا خيروك أما العمل أو النت فماذا تختار ؟

العمل طبعاً

14

ما سبب عشقك للأنميات؟

القصص الي بيها احسها من خيالي

شي حبيت بيوم اعيشه يمكن بطفولتي

15

من تتمنى أن يجلس بعدك على الكرسي ؟

انتة حتى اشلع قلبك

ههههههههه

بس لا طولت عليك

يلا كافي مو وسيم

هاي البداية

وارجعلك بعدين

بكيفك بعد

اوك قلبي انتظرك

وعاشت ايدك على الاسئلة الجميلة

نورت حبي

ودي

مساء الخير اعضاء رجاءا من كل عضو يسال اي سؤال يكون بحدود المعقول

وبدون تجريح من قبل اي شخص

والي صار من العضو التكنلوجي اتمنى ميتكرر مره ثانيه

تم خذف الاسئله من قبل الادارة

تحياتي
ريان

هلوووو وسيم شلونك

الازام اجواب على اسئلتي وبصرحه

هل انت راضي عن نفسك ..؟؟

وما هي المجالات التي تتمنى ان تأخذها منهاجا في حياتك ؟؟

هل تؤمن بتفوق الرجل على المرأة

ماهو الحب بالنسبه الك انت

اذا غضبت من احد مذا تفعل به؟

ماذا تعني لك كلمة احبك من فتاة

ماهـو الامتحان الاصعب في الحياة بالنسـبه لك؟

هل جعلت في يوم من الايام كلمه احبك وسيلة لك

ما هو الشي الذي يجعلك سعيد بعد ساعات الالم؟

متى اخر مره سمعت بها كلمة احبك

رساله عتاب لمن تبعثها

رساله حب من كل قلبك صادقه لمن تبعثها ؟

ماذا تقول لمن يظلمك

قرار اتخذته وتسرعت به ومن ثم ندمت عليه؟؟

ماهو اكثر شي يجرحك

تقبل تحياتي وراجعلك بالاسئلة

هلوووو وسيم شلونك

هلو وردة الحمد لله

الازام اجواب على اسئلتي وبصرحه

ان شاء الله

هل انت راضي عن نفسك ..؟؟

لا طبعاً

وما هي المجالات التي تتمنى ان تأخذها منهاجا في حياتك ؟؟

من ناحية العمل التصاميم بشكل عام

هل تؤمن بتفوق الرجل على المرأة

اكيد ..

بس لاتنسين وراء كل رجل عظيم امرأة

يعني المرأة الها حصة من نجاح الرجل

ماهو الحب بالنسبه الك انت

اجمل شعور

بدونه منكدر نعيش

الحياة تصير بدون توزان بدونه

اذا غضبت من احد مذا تفعل به؟

صراحة اني اكو نقاط معينه عندي

اذا عبرها الشخص اوصل مرحلة

اكرها بنفسي

ماذا تعني لك كلمة احبك من فتاة

حسب الفتاة شتعني الي هي

لان سامعها اكثر من مرة وكمت اعرف الصادقة من الكذب

ماهـو الامتحان الاصعب في الحياة بالنسـبه لك؟

يعني تختلف نضرة كل شخص عن الثاني

اني اشوف اصعب امتحان هو

كيف تكون صاحب مسؤوليه

هل جعلت في يوم من الايام كلمه احبك وسيلة لك

لا ابداً

ما هو الشي الذي يجعلك سعيد بعد ساعات الالم؟

اشوف غيري سعيد

متى اخر مره سمعت بها كلمة احبك

هههههههههه

قبل فترة قليله من مجهولة

هههههههههه

رساله عتاب لمن تبعثها

لنفسي

رساله حب من كل قلبك صادقه لمن تبعثها ؟

حالياً

لانسان عزيز على قلبي

ماذا تقول لمن يظلمك

اكوله انت والله

واكول الحمد لله مضلوم ولا ضالم

قرار اتخذته وتسرعت به ومن ثم ندمت عليه؟؟

تركت دراستي

ماهو اكثر شي يجرحك

الكذب والخيانة

تقبل تحياتي وراجعلك بالاسئلة

ارق تحية وردة

ان شاء الله

انتظرج

ودي

السلام عليكم

شلونك وسيم

الجماعة ما شاء الله عليهم خوش بالشين بيك بلشة

منو اعز انسان بحياتك1

2. من يمته وانته باحالت الحب يعني الفترى بالضبط
3. شنو تحس من تكون ويه حبيبتك

4.شنو اكثر شي تحبه باشكل حبيبتك

5. ماهو اول حرف من اسم حبيبتك

6.هل الحبيبه تعيش بالعراق لو باغير مكان وين

7. هل حبك الحالي عن طريق النت

8. كم مره مكذب على حبيبتتك يعني كذبه بيضه ههههه

9. كم طولك
10. كم وزنك
ههههههههههههه كافي اسئله مو لو مو مو.... المهم جاوب والله يكون بعونك

تحياتي الك وسيم

نورت الكرسي

هذا اول رد الي بالمنتدى حبت اشارك وياكم

راح اسألك كم سؤال وانتظر منك رد صريح

1-اول انسانه حبيتها بحياتك؟

2-هل ظلمت من شخص قريب جدا؟

3-سمعت بمؤامرة تكنلوجي واثنين من الاعضاء عليك من هم الاعضاء وشنو ردك عل الموضوع؟

اتمنى الرد الصريح عل الاسئله

تحياتي

السلام عليكم

عليكم السلام اهلاً

شلونك وسيم

بخير عيوني ماشي الحال ^^

الجماعة ما شاء الله عليهم خوش بالشين بيك بلشة

ههههههههههههه

انتي كلتيها بعد

منو اعز انسان بحياتك1

والدي

2. من يمته وانته باحالت الحب يعني الفترى بالضبط

بحالة حب الفترة تقريباً سبع سنوات او اكثر

اكدر اكول الى هسه بعده

3. شنو تحس من تكون ويه حبيبتك

غير عالم

غير جو

4.شنو اكثر شي تحبه باشكل حبيبتك

نضرتها

كلامها

ضحكتها

كل شي بيها
5. ماهو اول حرف من اسم حبيبتك

شوية سؤال صعب

ما اكدر اكول الحرف وردة ^^

6.هل الحبيبه تعيش بالعراق لو باغير مكان وين

اي بالعراق

7. هل حبك الحالي عن طريق النت

لا

8. كم مره مكذب على حبيبتتك يعني كذبه بيضه ههههه

ولا مرة

9. كم طولك
10. كم وزنك

الوزن والطول صراحة ما اعرف

لان صار فترة مقست اي منهم

ههههههههههههه كافي اسئله مو لو مو مو.... المهم جاوب والله يكون بعونك

براحتج وردة خلي بعد اذا يعجبج

هههههههههههه

تحياتي الج

تحياتي الك وسيم

احلى تحية الك حبي

نورت الكرسي

نورك قلبي انت

هذا اول رد الي بالمنتدى حبت اشارك وياكم

اي حبيبي تنور المنتدى

ومرحب بيك بينا وباي وقت

راح اسألك كم سؤال وانتظر منك رد صريح

ان شاء الله حبي

1-اول انسانه حبيتها بحياتك؟

قبل فترة سبع سنوات يمكن

2-هل ظلمت من شخص قريب جدا؟

اكيد اكثر من شخص

3-سمعت بمؤامرة تكنلوجي واثنين من الاعضاء عليك من هم الاعضاء وشنو ردك عل الموضوع؟

والله حبيبي الي عرفته

الاسئلة انحذفت

وسمعت كم سؤال منهن وكلهن اشياء كذب ما اعرف شلون اجاوب عليهن ^^

والمشاركين بيها حسب معرفت

تكنلوجي وابراهيم و طيف

خوش شلة ^^

اتمنى الرد الصريح عل الاسئله

اتمنى تكون اجوبتي صريحة الك ^^

تحياتي

احلى تحية الك

هاااااااااااا ابووو الاوسام شلونك

اني هسه اجيت
ههههههههههه
السؤال الاول
شلونك اخرر ايام مرتاح لوووو لا

السؤال الثاني

اشوفك ضايج على طول ليش اخر فتره

بس الاجوبه اريده صريحه
خووووش

تحياتي الك

اليوم الحلقه مووو تنسه
ناروتو

هاااااااااااا ابووو الاوسام شلونك

هلا حبيبي نور بخير قلبي دامك بخير

اني هسه اجيت
ههههههههههه

هلا بيك نورت روحي

السؤال الاول
شلونك اخرر ايام مرتاح لوووو لا

والله يا حبي

لا

شوية اكو مسائل ممحلولة والوضع انت ادرى بي بعد

السؤال الثاني
اشوفك ضايج على طول ليش اخر فتره

من كثر التفكير حب واسف يمكن شفت مني شي مقاصدة ^^

بس الاجوبه اريده صريحه
خووووش

ان شاء الله حبي تكون اجوبتي صريحة الك

تحياتي الك

واحلى تحية الك حب

اليوم الحلقه مووو تنسه
ناروتو

لاحبي شلون انسى

كاعد احمل بيها وانت هسه كاعد تشوفها وكاعد اني ارد

هههههههههه

شكرا الك مصمم المنتدى المبداع عاشق الاحزان

نورتنا بهذا الاسبوع والله وجان اسبوع خفيف ولطيف مثلك

وتــــــم غلـــــق الموضوع

» نور العزاوي ضيف الحلقة الثامنة من الكرسي
» ضيف الحلقة الثالثة...هند 17
» ضيف الحلقة الرابعة الزعيـــم
» اهلا وسهلا عاشق 1988
» ضحية في الكرسي (( شهريار )) منور